son Retour Occitan Français Questionnaire


Joan-Marí, Lo cantonier, qu'aimava trop lo vin



1) De que disià la vièlha cançon ?
La vièlha cançon disià que se « L'aiga es bona, lo vin es melhor ».

2) Cossi se ditz lo provèrbi sul trabalh ?
Lo provèrbi que lo monde dison sul trabalh e sus aquèls que se levan tard dins lo matin es :« Aquò es lo matin que se fa la jornada. »

3) Coma se ditz quora fa plan cald l'estiu ?
Quora fa plan cald l'estiu, se ditz que "plèu jos lou capèl" o que "la calor calor auriá pogut tuar un curat o un fonccionaire".

4) De que dempòrta Joan-Marì quora va trabalhar ?
Joan-Marì dempòrta totjorn sa pauca de vin amb se, e quora es voidada, va a l'aubèrge.

5) Perqué l'ivèrn se cau prendre una pauqueta de vin ?
L'ivèrn se cau escaufar de quauque biais, vaquí perque se cau prendre 'na pauca de vin.

6) Perqué lo Joan-Marì n'a jamai refusat un vèire ?
Lo Joan-Marì diguèt que la set lo quita pas gaire. Bèu per l'arsi qu'a. E se d'asard n'a pas set, bèu per faire plaser a n-aquel que lo convida, e atanben per l'arsi que deu venir.

7) Perqué Joan-Marì a totjorn sèt ? De que i'a agut a son baptejar ?
Lo monde dison que quand lo curat lo baptejèt, sa meneta aviá oblidat de picar la sau. Lo brave òme ne i'n botèt qu'un gran, ma aviá causit lo pus pichon, mès praquò fondeguèt pas. Lo paure Joan-Marí lo gardèt jos la lenga, e dempuèi l'a pas jamai pogut acabar de chuchar...

8) De que disiá lo paure oncle Candala ?
Lo paure oncle Candala disiá : « Las veituras gaston las rotas, las femnas gaston los òmes, l'aiga gasta lo vin. Solament, las rotas son fachas per las veituras, los òmes son fachs per las femnas, en cuja que lo vin es pas fach per l'aiga, ni mai l'aiga per lo vin. Lo Bon Dieu faguèt l'aiga pels molins, pels ases e per la ranas. E totas las fònts podrion s'estarir que ieu sariá pas privat d'aiga ! »

9) Quand la carrièira èra pas tròp larja per lo laissar passar, de que dision las gènts que lo vesion ?
Las gènts que lo vesion dision : « Aquí a Joan-Marí que se recapta, mès n'es pas tot sol : menas las auca ! ».

10) Quora i a agut la governanta, Joan-Marì poguèt pus anar a l'aubèrge. Mai trobava biais de s'escapar quant de còps par setmana ?
Joan-Marí trobava biais de s'escapar e de se pintar tres còps per setmana.

11) Perqué Joan-Marì va vèire lo medecin ?
Anèt trobar lo medecin perque se botèt de pèrdre la vista.

12) De que diguèt Joan-Marì a la fin, quora lo medecin li conselha de beùre que d'aiga ?
Joan-Marì li diguèt : « Per sauvar les carrèls, me farètz darrocar lo castèl ! »