son Retour Occitan Français Questionnaire


Lo Chaval-Drac


    Un jorn, dels enfants jogavon a la barra prèp de Molompisa. Un gente chaval blanc passa davant z-elses e s'arrèsta tot en les engaitar d'un biais complasent. Un dels enfants, mai ardit que les altres, salta sobre lo chaval que se bòta de genolhons per lo laissar montar. Un altre dròlle sèg lo primièr, tostes mònton en cropa pendent que l'eschina de la bèstia s'estira, s'estira que s'estiraràs... Lo Drac prend alèra sa corsa e galòpa vèrs V-Alanhon.
    _ « Vos vase totses ennejar, diguèt lo Drac.
    _ Senhatz-vos viste, les enfants, creidèt una vièlha femna que z-aviá vist lo manètge. Vos vai ennejar ; quò's lo Drac ! »
Les enfants esglasiats se senhon e se retròbon sobre lors pès a una lèga de Molompisa. Lo Drac s'èra avalit...